INSCRICIÓN E DOCUMENTACIÓN

Ábrense as portas do Parlamento Xove 2012 e a continuación deixámosche as bases, o regulamento e o formulario de inscrición. Inicialmente, levaremos a cabo unhas xornadas de formación en Santiago, Coruña, Lugo, Ourense e Pontevedra nas que os coordinadores dos equipos poderán anotarse e incluir a aqueles estudantes que lles poida interesar. Agardámoste!

Este ano podes inscribirte a:

1. XORNADAS DE FORMACIÓN. Celebranse entre o 26 de novembro e o 13 de xaneiro.
2. CAMPIONATO DE DEBATE. Aberto o prazo ata o 31 de xaneiro de 2011. Reserva de praza por orde de inscrición.

Os estudos de socioloxía presentan de xeito insistente un modelo de xuventude cada vez máis individualista, enmarcado nunha sociedade na que as novas tecnoloxías determinan as actuais formas de ocio e cuns patróns de conduta afastados da participación social. Non obstante, a meirande parte do voluntariado e participantes en accións solidarias son xente moza e os grandes movementos sociais a escala mundial entre os anos 2010 e 2011 protagonizounos a xuventude. A raíz disto, formulamos esta cuestión de plena actualidade e fonda reflexión para a que podemos atopar inxente información tanto cara a un posicionamento coma cara a outro.

A XUVENTUDE NO CONTEXTO MUNDIAL ACTUAL: CARA A UN MODELO MÁIS PARTICIPATIVO OU MÁIS INDIVIDUALISTA?

INSCRICIÓN NAS XORNADAS DE FORMACIÓN

Por primeira vez, o Parlamento Xove integra unha etapa de formación na que se dará a coñecer ao detalle a dinámica da competición, os seus "segredos" así coma unhas pequenas orientacións en oratoria. A dirección do campionato non quere que niguén quede sen participar por descoñecemento ou falta de seguridade así que... se estás disposto a aprender estás disposto a participar! Contamos contigo?

Se desexas participar nas xornadas de formación ou precisas máis información ao respecto, déixanos os teus datos e porémonos en contacto contigo:

INSCRICIÓN NAS XORNADAS DE FORMACIÓN

INSCRICIÓN NO CAMPIONATO DE DEBATE

Descarga as Bases de Competición e o Regulamento da Edición 2012 do Parlamento Xove:

	Bases Parlamento Xove 2012
	Regulamento Parlamento Xove 2012
	Formulario de inscrición
	Autorización paterna
	Autorización paterna fotos