Que é o Parlamento Xove?

O proxecto Parlamento Xove fórmano un conxunto de actividades que teñen por obxecto fomentar entre os xoves o diálogo como ferramenta para argumentar razoadamente as ideas propias. Potenciaranse habilidades individuais e en grupo entre as que destacan o desenvolvemento da capacidade de selección de información, a expresión escrita, a expresión oral, a orixinalidade, a argumentación razoada, o traballo en equipo ou a convivencia. Así mesmo, fomenta a lectura, a escritura, o emprego das novas tecnoloxías con fins informativos e culturais e o respecto polas ideas dos demais.

As ditas actividades teñen como fío común debater acerca dun tema formulado pola organización, entre as que se inclúen a publicación de artigos en blog e xornais, a realización dun dossier de investigación do tema tratado e debates dialécticos.

QUEN PODE PARTICIPAR?

O alumnado de 4º da ESO e 1º e 2º de Bacharelato de calquera centro de ensino de Galicia.

EN QUE CONSISTE A ACTIVIDADE?

Parlamento Xove trátase dunha competición na que os diversos equipos inscritos investigarán, escribirán e debaterán acerca dun tema. A actividade desenvolverase nunha fase inicial de investigación e argumentación de ideas na rede e unha fase final de debate dialéctico.

QUE ACTIVIDADES SE LEVAN A CABO?

1.            Publicación de artigos nun blog e xornais.
2.            Elaboración dun dossier de investigación.
3.            Debates de competición.

Para coñecer toda a información da actividade, non tes máis que acceder á sección adicada a INSCRICIÓN e DOCUMENTACIÓN e descargar as bases.