Parlamento Xove trátase dunha competición de debate, na que poderán inscribirse un máximo de 48 equipos, que investigarán, escribirán e debaterán acerca dun tema. A actividade desenvolverase en dúas fases, unha fase clasificatoria onde os equipos elaborarán dous artigos para publicar na web e un dossier de investigación e unha fase final onde os 8 equipos mellor clasificados debatirán acerca do tema proposto nunca final de eliminatoria directa.

O prazo de inscripción comezará o día 1 de febreiro de 2010, cun total de 48 equipos. As prazas outorgaranse por orde de inscrición. Daráselles praza aos 12 primeiros equipos de cada provincia e farase unha lista de espera cos centros non seleccionados. Cada centro poderá inscribir dous equipos, pero o segundo deles será inscrito nunha lista de espera.

Os equipos interesados en participar, deberán comunicar primeiramente a súa intención de inscribirse, nos teléfonos 981 545 822 e 981 541 689 a partires do 1 de febreiro de 2010. Unha vez adxudicado ao centro unha ou dúas das 48 prazas, este deberá enviar por correo certificado o Formulario de inscrición (inclúe a composición do equipo) antes do 15 de febreiro á:

Consellería de Traballo e Benestar

Dirección Xeral de Xuventude e Voluntariado

San Lázaro, s/n – 3º

15781 Santiago de Compostela

debidamente cuberta e co selo do centro de ensino. O dito formulario poderá descargarse da páxina oficial da competición, á que se accedera a través da web da Dirección Xeral (ww.xuventude.net)